ДАХИН ТЭВЧИХГҮЙ - ХҮҮХДИЙН ХҮЧИРХИЙЛЛИЙН ЭСРЭГ ТАЙВАН ЖАГСААЛ

 Энэ тоо бол томчууд биднээс шалтгаалан өсч буй тоо юм. Та бид энэхүү тоог багасгаж бүр тэглэж чадна. Тиймээс шил шилээ даран гарч буй нийгмийг цочирдуулсан үйлдлийг зогсоох, дахин давтагдахгүй байлгахад хүн бүрийн хүчин чармайлт, дуу хоолой нэн чухал.  Гэрэлт ирээдүй өөд хамтдаа...      #Батгэрэлт_үйлс НҮТББ 

Энэ нийгэмд сайн нь муугаасаа 1000 дахин их гэдэгт итгэлтэй байна. Эрүүл нийгэмд энхрий үрс минь, эмэгтэйчүүд минь айх аюулгүй амар, тайван инээд дүүрэн аз жаргалтай амьдрах нь ЭР ХҮН таниас шууд хамааралтай. Бид гэрэлт ирээдүйг хамтдаа бүтээж чадна. #Батгэрэлт_үйлс_ТББ 

Улсын ерөнхий прокурорын газрын мэдээлэлд дурдсанаар 2015-2016 онд улсын хэмжээнд 298 хүүхэд бэлгийн хүчирхийлэлд өртжээ. Энэ нь зөвхөн хууль хяналтын байгууллагад бүртгэгдэж шалгагдсан бэлгийн хүчирхийллийн гэмт хэргийн тоо бөгөөд үүнээс гадна хичнээн хүүхэд бие сэтгэлээрээ хохирч байгааг тоолж, тодорхойлсон судалгаа өнөөдөр байхгүй байна. 
Хүүхдийн инээдийг гунигаар бүү соль!!!! 

 Харамсалтай нь дээр дурдсан хүүхдийн 48 хувь нь гэр бүл, ураг төрлийнхөө хүний хүчирхийлэлд өртөн бүх насаараа бие махбод, сэтгэл санааны гүн шархтай үлдсэн байна. Тиймээс эцэг эхчүүд асран хамгаалагчидаа хүүхдэдээ тавих хараа хяналтаа сайжруулцгаая.

                                                                                                                                                                                                                                       Б.Ундрах
                                                                                                                                                                                                                      Зургийг Л.Номин
 
 

2018-04-11 00:26:56