Урлагийн тоглолт зохион байгуулсан ИТХ-ын даргыг 20 сая төгрөгөөр торгожээ

Өвөрхангай аймгийн Хархорин сум дахь сум дундын эрүүгийн хэргийн анхан шатны шүүх Дэлгэрийн Цэрэнтогтох /Өвөрхангай аймгийн Бат-Өлзий сумын ИТХ-ын дарга/-д холбогдох зөрчлийн хэргийг 2020.06.19-ний өдөр хүлээн авч 2020.06.25-ны өдөр шийдвэрлэжээ.

Улмаар Зөрчлийн тухай хуулийн 17.1 дүгээр зүйлийн 16.2 /нийтийг хамарсан биеийн тамирын уралдаан, тэмцээн, баяр наадам, урлагийн тоглолт, хүлээн авалт, дайллага, цайллага, хонжворт сугалаа зохион байгуулсан, ивээн тэтгэсэн/ зааснаар 20 сая төгрөгөөр торгож шийтгэсэн байна. Д.Цэрэнтогтох нь 2020.06.02-ны өдөр Өвөрхангай аймгийн Бат-Өлзий суманд нийтийг хамарсан урлагийн тоглолт зохион байгуулсан зөрчил гаргажээ. 

Тус аймгаас УИХ-ын сонгуульд С.Чинзориг, Д.Тогтохсүрэн, Г.Ганболд нар сонгогдсон. Гэвч тус аймгийн зарим иргэн эдгээр нэр дэвшигч Сонгуулийн хууль зөрчсөн гэж үзэн, өчигдөр буюу 2020.06.28-ны орой СЕХ-ны гадаа цугласан юм.      

Эх сурвалж: ''gogo.mn''


2020-06-29 14:34:26

Warning: fopen(/var/www/html/xac/ww.leader.mn/cache/fc8fa3c243fb6fb9aad90b5f7170faa0.html): failed to open stream: No such file or directory in /var/www/html/xac/ww.leader.mn/cache.php on line 27

Warning: fwrite() expects parameter 1 to be resource, boolean given in /var/www/html/xac/ww.leader.mn/cache.php on line 28

Warning: fclose() expects parameter 1 to be resource, boolean given in /var/www/html/xac/ww.leader.mn/cache.php on line 29