Мөсөн хотхон байгуулж байна

Дарханчууд шинэ оноо угтан “Найрамдал” талбайдаа хамтын хүчээр мөсөн хотхон байгуулж байна. Тус хотхонд өвлийн өвгөн, цасан охин, 24 ширхэг ойн ан амьтад, мөсөн гулгуур, 12 жилийн мөсөн баримал болон дэлхийд алдартай өндөр барилга, байгууламжийг мөсөөр хийхээр төлөвлөн ажиллаж байна.

Энэхүү бүтээн байгуулалтад Дархан-Уул аймгийн НААҮГ, ОБГ, ЦГ, “Дархан Ус суваг” ХК, “Дархан Дулааны Цахилгаан Станц” ТӨХК, “Цахилгаан Дамжуулах Үндэсний Сүлжээ” ТӨХК, “Дархан Сэлэнгийн Цахилгаан Түгээх Сүлжээ” ХК зэрэг дулаан, эрчим хүчний байгууллагуудын удирдлагууд, ажилтан албан хаагчид идэвхтэй оролцон их ажлыг өрнүүлж байгаа юм.

Үүнээс гадна Дархан-Уул аймагт үйл ажиллагаа явуулдаг найман банк, Юнител ХХК, Мобиком ХХК, Дархан Номин худалдааны төв, Дархан нэхий ХК, Алтан хүнс ХХК, мөн шатахуун түгээх долоон байгууллага зэрэг нийт 20 гаруй байгууллагуудын хандив тусламжаар бүтээж байгаа аж. Одоогоор мөсөн хотхоны бүтээн байгуулалтын ажил 30 орчим хувьтай үргэлжилж байна.


2016-12-21 12:16:54