МАН-ы Засгийн газар нэг гишүүнээсээ ангижирлаа

УИХ-ын чуулганы хуралдаанаар Боловсрол, соёл, шинжлэх ухаан, спортын сайд Ж.Батсуурийг огцрууллаа. Засгийн газрын зарим сайд нар ажлын хариуцлага алдсанаас болж ерөнхий боловсролын сургуулийн сурагчид хохирсон, ажлын хариуцлага алдсан учраас ийнхүү Ж.Батсуурь сайдыг огцруулах асуудлыг Засгийн газраас оруулж ирснийг УИХ-ын гишүүдийн олонхи дэмжсэн юм. Огцорч байгаа сайд Ж.Батсуурь “Би бол ямар нэгэн хууль зөрчиж алдаа гаргаагүй. 29-р сургууль, 19-р сургууль болон Ерөнхий боловсролын улсын шалгалтын тест задарсан гээд асуудлууд бий. Энэ асуудлууд дээр анхаарлаа хандуулж, ажлын хариуцлага алдсан хүмүүст нь цаг тухайн нь хариуцлага тооцоод явсан. Би хариуцлагатайгаар мэдэгдэхэд би хууль зөрчөөгүй” гэсэн тайлбарыг өглөө.

МАН-ы Засгийн газар ийнхүү танхимынхаа нэг гишүүнийг огцруулснаар улстөрд шинэ жишиг тогтоож байна гэж ажиглагчид үзэж байна. Олон улсын жишигт тухайн яамны ажил хэрэгт ямар нэгэн доголдол гарсан бол сайдыг нь огцруулдаг ч манайд тэр бүрий хэрэгждэггүй байсан юм. Сошиал ертөнцөөр бусдын нэр хүндийг унагаасан утгатай үг өгүүлбэр бичсэн Зам тээдрийн дэд сайд Б,Цогтгэрэлтэй ч Засгийн газар нь хариуцлага тооцох тухай асуудал яригдаж байна.  

 

сэтгэгдэл үлдээх