Баасан, 5 сар 7, 2021

Эрүүл мэндийн сайдыг ажлаас нь чөлөөлөхийг эсэргүүцэж эмч нар жагсаж байна

Эрүүл мэндийн сайд Т.Мөнхсайхан албан үүргээсээ чөлөөлөгдөх хүсэлтээ Ерөнхий сайдад өгөхөө өчигдөр илэрхийлсэн. Эрүүл мэндийн салбарынхан түүнийг сайдын албан тушаалаас нь чөлөөлөхийг эсэргүүцэж, мэргэжлийн сайдаа үлдээж, эхлүүлсэн ажлыг нь дуусгах ёстой хэмээн өнөөдөр Төв талбайд тайван жагсаал зохион байгуулж байна.

Нэг удаагийн халат нөмөрч, бичиг барьсан хүмүүс талбайн баруун, зүүн хэсгийн зам дагуу зогсож, “Т.Мөнхсайхан сайдын ажлыг хийлгэе”, “Мэргэжлийн сайдаа үлдээе”, “Тэр чадна”, “Бид шаардаж байна” зэрэг бичгийг барин жагсжээ. Түүнчлэн Эрүүл мэндийн сайдыг огцруулж байгаад дургүйцлээ илэрхийлсэн иргэд цахим орчинд ч мөн эсэргүүцэл илэрхийлээд байсан юм.

Түүнийг эрүүл мэндийн салбарт олон шинэчлэл хийж, зоригтой ажиллаж буй гэж салбарын алба хаагчид үзэж буй бөгөөд өөрийн бус алдааны улмаас ажлаа орхиж байгаа нь шударга шийдвэр биш гэж байлаа.

Тайван жагсаал 8:00 цагт эхэлсэн бөгөөд эрүүл мэндийн салбарын 57 мянган ажилтны төлөөлөл 200 гаруй хүн цуглажээ.

Эх сурвалж: “Монцамэ” агентлаг

Холбоотой нийтлэл

Сэтгэгдэл

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Advertisment

Ирэлт ихтэй

Ц.Ганзориг: V сарын 8-наас ААН-үүдийн 80 орчим хувийнх нь үйл ажиллагаа хэвийн үргэлжилнэ

Засгийн газрын өчигдрийн хуралдаанаар тавдугаар сарын 8-ны 06:00 цагаас эхлэн хатуу хөл хориог сулруулж, өндөржүүлсэн бэлэн байдлын зэрэгт шилжүүлэх шийдвэрийг гаргасан. Энэ дагуу хөл...

НИЙСЛЭЛИЙН ЭРХ БҮХИЙ БАЙДЛЫН ТУХАЙ ХУУЛИЙГ ШИНЭЧЛЭХ ЦАГ НЬ БОЛСОН

Нийслэлийн эрх зүйн байдал, удирдлагын тогтолцоо, бүрэн эрх, чиг үүргийг 1994 онд баталсан Нийслэлийн эрх зүйн байдлын тухай хуулиас гадна 150 гаруй хуулиар зохицуулдаг....

БИЧЛЭГ: Цагдаагийн алба хаагч сэтгүүлчийн биед халджээ

Цагдаагийн алба хаагч ажлаа хийж байсан сэтгүүлчдийн биед нь халджээ. Тодруулбал, Бүх нийтийн бэлэн байдлын зэрэгт байгаа энэ үеэр Төв талбайд УИХ-ын зарим гишүүн өлсгөлөн зарлаад буй. Уг...